Хүүхдийн CV-д хэзээ ч бичигдэхгүй хамгийн үнэтэй чадвар юу вэ?

Би нэг зүйл анзаарсан.

Эцэг эхчүүд бид хүүхдийнхээ амжилтыг ихэвчлэн цаасан дээр хэмждэг.

IELTS 7.5

Олимпиадын медаль

Сертификат

Диплом

Сайн сургууль

Тэгээд нэг өдөр тэр хүүхэд ажилд орно.

CV-гээ илгээнэ.

Гэхдээ...

Амьдралын хамгийн үнэтэй чадваруудын зарим нь CV дээр хэзээ ч бичигддэггүй.

Өнөөдөр би Дэлхийн эдийн засгийн форумаас (World Economic Forum) гаргасан Future of Jobs Report 2025-ыг уншлаа.

Тайлангийн нэг хэсэг намайг удаан бодогдуулсан.

Ирэх жилүүдэд ажил олгогчдын хамгийн өндөр үнэлж буй ур чадваруудын дунд:

analytical thinking

resilience, flexibility and agility

creative thinking

empathy and active listening

curiosity and lifelong learning

гэх мэт чадварууд багтаж байна. Харин программчлал зэрэг техникийн ур чадвар чухал хэвээр боловч, жагсаалтын хамгийн дээд хэсгийг дангаараа эзэлсэнгүй.

Энэ жагсаалтыг хараад би өөр зүйл бодсон.

Намайг хамгийн их бодолд оруулсан нь

Маргааш миний хүүхэд ажлын ярилцлагад орлоо гэж төсөөлье.

Тэр сертификатаа үзүүлж чадна.

Дипломоо үзүүлж чадна.

Харин...

Унасныхаа дараа босдог зангаа хаана бичих вэ?

Хүнд нөхцөлд бусдыг сонсож чаддаг чанараа?

Алдаагаа хүлээн зөвшөөрдөг төлөвшлөө?

Шинэ зүйл сурахаас айдаггүй зангаа?

Эдгээрийг CV-ийн аль мөрөнд бичдэг юм бол?

Магадгүй...

Ирээдүйд хүнийг ажилд авах шийдвэрийг CV эхлүүлнэ.

Гэхдээ

зан чанар нь дуусгана.

Өдөр бүр бид хүүхдээсээ асуудаг.

«Өнөөдөр хэдэн оноо авсан бэ?»

Харин бид сүүлийн удаа хэзээ ингэж асуусан бол?

«Өнөөдөр ямар хүн болох тухай нэг алхам хийсэн үү?»

Магадгүй энэ асуултын хариу диплом дээр бичигдэхгүй.

Гэхдээ амьдрал дээр хамгийн их хэрэг болох байх.

Өнөөдрийн эх сурвалж

World Economic Forum – Future of Jobs Report 2025 нь дэлхийн олон салбарын ажил олгогчдын ирэх таван жилийн ур чадварын хэрэгцээг судалсан тайлан юм.

Тайланд ажил олгогчдын хамгийн өндөр үнэлж буй үндсэн ур чадваруудад analytical thinking (69%), resilience, flexibility and agility (67%), leadership and social influence (61%), creative thinking (57%), motivation and self-awareness (52%), мөн empathy and active listening (50%), curiosity and lifelong learning (50%) багтжээ. Энэ нь техникийн мэдлэгээс гадна хүний төлөвшил, дасан зохицох чадвар, бусадтай ажиллах чадвар улам чухал болж байгааг харуулж байна.