Бид AI-ийн тухай ярихдаа ихэвчлэн нэг л асуулт асуудаг.
«AI бидний ажлыг орлох уу?»
Гэтэл өнөөдөр би өөр асуулттай үлдлээ.
Хэрэв AI өөрөө хамгийн том эрсдэл биш бол...Тэгвэл хамгийн том эрсдэл нь юу вэ?
Өнгөрсөн хэдэн жилд дэлхий AI-г бүтээх гэж өрсөлдсөн.
Харин энэ жилүүдээс эхлээд өөр нэг өрсөлдөөн эхэлж байх шиг.
AI-г хэн хамгийн зөв удирдах вэ?
Энэ асуултын хариуг хайж байгаа нь технологийн компаниуд биш.
ЮНЕСКО хүртэл энэ тухай ажиллаж эхэлжээ.
Тэд Латин Америк, Карибын тэнгисийн 33 улсын Боловсролын яам, их сургууль, судалгааны байгууллагуудыг нэгтгэсэн AI in Education Observatory нэртэй хамтын ажиллагааны платформыг байгуулсан байна. Гэхдээ энэ нь шинэ AI бүтээх төсөл биш.
Зорилго нь өөр.
AI боловсролд орж ирэх үед төрийн бодлого ямар байх ёстой вэ, багшийг хэрхэн дэмжих вэ, тэгш хүртээмжийг яаж хамгаалах вэ, ямар нотолгоонд үндэслэн шийдвэр гаргах вэ гэдэгт хамтдаа хариулт хайх юм.
Энд нэг өгүүлбэр хамгийн анхаарал татсан нь:
«AI cannot govern education; education must govern AI.»
Монголчилбол,
«AI боловсролыг удирдах ёсгүй. Харин боловсрол AI-г удирдах ёстой.»
Энэ бол зүгээр нэг уриа биш.
Энэ бол дэлхий ямар асуудал ярьж эхэлснийг илэрхийлсэн өгүүлбэр.
Намайг хамгийн их бодолд оруулсан нь
Эцэг эх бид ихэвчлэн хүүхдээсээ асуудаг.
«AI ашиглаж сурсан уу?»
Гэтэл магадгүй илүү чухал асуулт нь өөр юм.
«AI-д хэзээ итгэж болох, хэзээ эргэлзэж сурав?»
Энэ хоёрын хооронд асар том ялгаа бий.
Технологи ашиглаж сурах амархан.
Харин технологид сохроор итгэхгүй байх нь боловсрол.
Магадгүй ирээдүйн хамгийн чадварлаг хүүхэд хамгийн хурдан AI ашигладаг нь биш.
AI-ийн өгсөн хариултыг ч шүүмжилж чаддаг хүүхэд байх болно.
Өмнө нь бид боловсролыг мэдлэг дамжуулах ажил гэж ойлгодог байсан.
Одоо бол өөр болжээ.
Боловсролын шинэ үүрэг нь «технологийн өмнө хүний шүүлтүүрийг хадгалж үлдэх» ажил болж эхэлж байна.
Хэрэв энэ үнэн бол...
Ирээдүйд хамгийн үнэтэй ур чадвар нь мэдээлэл хайх биш.
Юунд итгэхээ ялгаж сурах чадвар байх юм биш биз?
Өнөөдрийн эх сурвалж
UNESCO 2026 оны 4-р сард Observatory on Artificial Intelligence in Education for Latin America and the Caribbean санаачилгыг албан ёсоор эхлүүлсэн.
Энэ нь НҮБ-ын тогтолцоонд боловсрол дахь AI-д зориулсан анхны бүс нутгийн платформ бөгөөд 33 улсын боловсролын экосистемийг нэгтгэн, нотолгоонд суурилсан бодлого боловсруулах, багшийн чадавхыг бэхжүүлэх, ёс зүйтэй, хүртээмжтэй AI хэрэглээг дэмжих зорилготой. UNESCO энэ санаачилгын үндсэн зарчмыг дараах байдлаар тодорхойлжээ.
«AI cannot govern education; education must govern AI.»
Та хүүхдэдээ AI ашиглахыг түрүүлж заах уу, эсвэл AI-д хэзээ итгэж болохгүйг нь түрүүлж заах уу?
Өнөөдрийн эргэцүүллийг энд өндөрлөе.
Технологи хөгжих хурд улам нэмэгдэнэ.
Гэхдээ ирээдүйг хамгаалах хамгийн хүчтэй систем нь алгоритм биш.
Зөв шийдвэр гаргаж чаддаг хүн байх болно.
«30 Family of the AI Tour»