Хэрэв ирээдүйд хамгийн чухал чадвар нь мэдлэг биш бол...Бид өнөөдөр хүүхдүүддээ яг юуг зааж байна вэ?

Сүүлийн үед нэг зүйл намайг дахин дахин бодход хүргэж байгаа зүйл бол...

Бид хүүхдүүддээ сайн сургууль хайж өгдөг.

Сайн багшаас суралцахыг хүсдэг.

Шинэ технологиос хоцроохгүй гэж хичээдэг.

Гэхдээ...

Бид тэднийг «дахин суралцаж чаддаг хүн» болгож байгаа болов уу?

Энэ асуултанд хариулт олох гэж өнөөдөр OECD-ийн шинэ тайланг уншлаа.

Тайлангийн гол санаа нь AI-ийн шинэ боломжийн тухай биш байв.

Харин Generative AI гарч ирснээр суралцах тухай бидний ойлголт өөрчлөгдөж эхэлсэн тухай байлаа.

Тайланд нэг санааг онцолсон байна.

AI-ийн үнэ цэнэ нь өөрөөс нь бус, түүнийг ямар сургалтын зорилгоор, ямар орчинд, ямар багш ашиглаж байгаагаас хамаардаг.

Энэ өгүүлбэрийг би хэд хэдэн удаа дахин уншлаа.

Намайг хамгийн их бодолд оруулж байгаа зүйл бол...Бид хүүхдүүддээ ихэвчлэн ингэж хэлдэг.

«Ирээдүйд хэрэгтэй ур чадвар эзэмшээрэй.»

Гэхдээ ирээдүй ямар байхыг бид өөрсдөө ч мэдэхгүй.

Өнөөдрийн хамгийн шилдэг AI...Маргааш хуучирч магадгүй.

Өнөөдрийн хамгийн эрэлттэй мэргэжил...Арван жилийн дараа өөрчлөгдөж магадгүй.

Тэгвэл өөрчлөгдөхгүй үлдэх ганц зүйл юу вэ? Миний бодлоор тэр нь шинэ зүйлд суралцаж сурах чадвар.

Шинэ мэдлэгээс айхгүй байх.

Өөрийгөө дахин хөгжүүлэхээс залхахгүй байх.

Алдаагаа дахин эхлэх боломж гэж харах.

Магадгүй AI-ийн эрин үед хамгийн үнэ цэнтэй хүн нь хамгийн ихийг мэддэг хүн биш.

Хамгийн хурдан суралцаж чаддаг хүн байх.

«Нэг мэргэжил эзэмших.» гэж ойлгодог байсан.

Харин өнөөдөр би өөрөөр бодож эхэлсэн.

Магадгүй боловсролын жинхэнэ зорилго нь ямар ч өөрчлөлтийн өмнө дахин суралцах зоригтой хүн бэлтгэх юм биш биз?

Хэрэв тийм бол... Бид хүүхдүүддээ хариулт цээжлүүлэхээс илүү, асуулт асууж сурахыг заах хэрэгтэй болж байна.

Өнөөдрийн эх сурвалж

OECD Digital Education Outlook 2026: Exploring Effective Uses of Generative AI in Education тайлан нь 2026 оны 1-р сард нийтлэгдсэн олон улсын бодлогын баримт бичиг юм.

Тайланд Generative AI нь боловсролд шинэ боломж авчирч байгаа ч түүний үр нөлөө нь технологиос илүү сургалтын зорилго, багшийн мэргэжлийн шийдвэр, суралцах орчноос хамаардаг гэж дүгнэжээ.