Та түүнийг яагаад сургуульд явуулах вэ?
Өнөөдөр намайг удаан бодолд оруулсан нэг мэдээ байна.
UNESCO, UNICEF болон Олон улсын цахилгаан холбооны холбоо (ITU) хамтран дэлхий даяар ашиглах Нийтийн дижитал сургалтын платформын дүрэм (Charter for Public Digital Learning Platforms)-ийг танилцуулжээ.
Энэ нь шинэ AI платформын тухай мэдээ биш.
Шинэ аппликейшны тухай ч биш.
Харин дэлхий нийтээрээ дижитал боловсрол ямар зарчимтай байх ёстой вэ? гэсэн асуултад хамтдаа хариулж эхэлсэн тухай мэдээ юм.
Намайг хамгийн их зогсоосон өгүүлбэр нь энэ байлаа.
«The digital world should become an extension of education, not a replacement for it.»
Өөрөөр хэлбэл...Дижитал технологи боловсролыг өргөжүүлж болно.
Гэхдээ боловсролыг орлож болохгүй.
Энэ өгүүлбэрийг би хэд хэдэн удаа дахин уншлаа.
Намайг хамгийн их бодолд оруулсан нь
Бид ихэвчлэн ингэж ярьдаг.
«AI эрин зуун эхэлвэл сургууль өөрчлөгдөх байх.»
Гэхдээ өнөөдрийн мэдээ надад өөр асуулт төрүүллээ.
Сургууль гэж яг юу вэ?
"Хэрэв сургуулийг зөвхөн мэдлэг олгодог газар гэж ойлговол, магадгүй AI түүний ихэнхийг хийж чадна.
Харин сургуулийг хамтдаа өсөж, хамтдаа алдаж, хамтдаа хүн болж сурдаг орчин гэж ойлговол..." түүнийг ямар ч технологи бүрэн орлож чадахгүй байх.
Технологи хөгжих тусам дэлгэцийн ард өнгөрүүлэх цаг нэмэгдэнэ.
Тиймээс магадгүй ирээдүйн хамгийн үнэтэй хөрөнгө нь илүү олон AI биш. Илүү чанартай хүний харилцаа байх.
Хэрэв AI хүүхдэд тань бүх хичээлийг төгс зааж чаддаг бол...
Хүүхэд «хамтдаа суралцах» гэдэг мэдрэмжийг хаанаас авах вэ?
Учир нь сургууль зөвхөн хичээл заадаг газар биш.
Тэнд хүүхэд маргалдаж сурдаг.
Хамтарч сурдаг.
Ялагдаж сурдаг.
Уучлал гуйж сурдаг.
Бусдыг сонсож сурдаг.
Эдгээр нь шалгалтын оноогоор хэмжигдэхгүй.
Гэхдээ насан туршийн амьдралд үнэ цэнэ нь хэмжигддэг.
Өнөөдрийн эх сурвалж
2026 онд UNESCO, UNICEF, ITU хамтран Charter for Public Digital Learning Platforms баримт бичгийг танилцуулжээ.
Энэхүү дүрэм нь улс орнуудад AI болон дижитал сургалтын платформыг хөгжүүлэхдээ төрийн хариуцлага, багшийн манлайлал, хүүхдийн аюулгүй байдал, хүртээмж, боловсролын зорилгыг нэгдүгээрт тавихыг зөвлөсөн олон улсын бодлогын баримт бичиг юм.
Баримт бичгийн хамгийн чухал санаа нь:
«Технологи боловсролыг дэмжинэ. Харин хүнийг орлохгүй.»
Хэрэв ирээдүйд таны хүүхэд гэрээсээ бүх хичээлээ AI-тай хамт сурч чаддаг бол...
Та түүнийг сургуульд явуулах хамгийн чухал ганц шалтгаан юу байх вэ?
Өнөөдрийн эргэцүүллийг энд өндөрлөе.
Заримдаа ирээдүйн боловсролын хамгийн том өөрчлөлт шинэ технологиос эхэлдэггүй.
Хүн яагаад хүнтэйгээ хамт суралцах ёстой вэ? гэсэн асуултаас эхэлдэг.
«30 Family of the AI Tour»