Хэрэв AI боловсролыг үнэгүй болгож чадвал...

Тэгвэл хамгийн үнэтэй зүйл нь мэдлэг биш, итгэл болох уу?

Өнөөдөр намайг удаан бодолд оруулсан нэг нийтлэл байна.

Сүүлийн өдрүүдэд дэлхийн томоохон AI компаниуд боловсролын салбарт улам хүчтэй орж ирж байгаа талаар Financial Times онцолжээ.

OpenAI, Anthropic, Google зэрэг компаниуд зөвхөн AI хэрэгсэл хөгжүүлэхээ больж, багш, сурагч, их сургууль, засгийн газруудтай хамтран боловсролын шинэ экосистем байгуулж эхэлсэн байна.

Энэ мэдээний хамгийн сонирхолтой хэсэг нь AI биш байлаа.

Нэг профессорын хэлсэн үг байв.

«Let's not be naive, AI is absolutely a marketplace for these companies.»

Өөрөөр хэлбэл... AI компаниуд боловсролыг сайжруулахыг хүсэж байгаа.

Гэхдээ боловсрол бол мөн асар том зах зээл юм.

Энэ өгүүлбэрийг би хэд хэдэн удаа дахин уншлаа.

Намайг хамгийн их бодолд оруулсан нь

Эцэг эх бид хүүхдэдээ сайн сургууль сонгодог.

Сайн багш хайдаг.

Удахгүй магадгүй...Сайн AI сонгож өгч магад.

Гэхдээ тэр үед нэг шинэ чадвар хэрэгтэй болох байх.

AI-ийн хариултыг ашиглах чадвар биш.

«AI-г хэн бүтээсэн, ямар зорилготой, ямар хязгаартайг асууж сурах чадвар»

Учир нь ирээдүйд AI бүр өөрийн философитой, өөрийн бизнесийн зорилготой, өөрийн сургалтын арга барилтай байх болно.

Тэр үед хамгийн хүчтэй хэрэглэгч нь хамгийн үнэтэй AI ашигладаг хүн биш.

Аль AI-д хэзээ итгэж, хэзээ эргэлзэхээ мэддэг хүн байх болов уу.

Өмнө нь бид хүүхдүүддээ:

«Ямар ном уншдаг вэ?» гэж асуудаг байсан.

Маргааш магадгүй бид:

«Ямар AI-тай хамт суралцах вэ? Тэгээд яагаад тэр AI-г сонгосон бэ?» гэж ярьж эхэлдэг болох байх.

Магадгүй ирээдүйд боловсролын хамгийн том ялгаа AI ашиглаж байгаа эсэх дээр биш.

Ямар шалгуураар AI-гаа сонгож байгаад байх.

Өнөөдрийн эх сурвалж

Financial Times 2026 оны 7-р сарын 24-нд нийтэлсэн «AI labs begin to muscle in on the $6tn education market» нийтлэлдээ OpenAI, Anthropic, Google зэрэг компаниуд боловсролын салбарт багш, их сургууль, засгийн газруудтай хамтын ажиллагаагаа эрчимжүүлж, AI-г боловсролын системийн нэг хэсэг болгох шинэ стратеги хэрэгжүүлж байгааг онцолжээ. Нийтлэлд боловсрол нь зөвхөн нийгмийн үйлчилгээ биш, мөн дэлхийн хэмжээнд 6 их наяд ам.долларын зах зээл болохыг дурдсан байна.