Хэрэв таны хүүхэд AI ашиглаж байгаа нь асуудал биш бол...

Тэгвэл жинхэнэ асуудал нь бид хүүхдээ юунд бэлдэж байгаа вэ?

Өнөөдөр намайг удаан бодолд оруулсан нэг мэдээ байна.

Сүүлийн өдрүүдэд UNESCO-ийн дэмжлэгтэйгээр болсон олон улсын боловсролын уулзалтад AI-ийн шинэ хэрэгсэл биш, боловсролын зорилго хамгийн том сэдэв болжээ.

Хэлэлцүүлгийн гол санаа нь нэг өгүүлбэрт багтсан.

«AI боловсролын зорилгыг өөрчлөх ёсгүй. Харин боловсролын зорилгод үйлчлэх ёстой». Энэ өгүүлбэрийг уншаад би хэсэг бодлоо.

Намайг хамгийн их бодолд оруулсан нь

Бид хүүхдүүддээ үргэлж:

«Ирээдүйд хэрэгтэй ур чадвар эзэмшээрэй.»

гэж хэлдэг.Гэхдээ... Ирээдүй ямар байхыг бид мэдэхгүй.

Тэгвэл бид юуг заах ёстой вэ?

Программчлал уу?

AI Prompt бичих үү?

Эсвэл дараагийн шинэ технологийг хүлээх үү?

Өнөөдрийн мэдээ надад өөр хариулт өглөө.

Магадгүй технологи 5 жилийн дараа өөрчлөгдөнө.

AI ч өөрчлөгдөнө.

Харин өөрчлөгдөхгүй нэг зүйл бий.

Хүн зөв асуулт асууж, үнэн худлыг ялгаж, бусадтай хамтарч, хариуцлагатай шийдвэр гаргах чадвар.

Технологи өөрчлөгдөх бүрт энэ чадварын үнэ цэнэ л өсөх байх.

Эцэг эх бид хүүхдэдээ сайн сургууль сонгодог.

Сайн багш хайдаг.

Удахгүй магадгүй...Сайн AI сонгож өгч магад.

Гэхдээ тэр үед нэг шинэ чадвар хэрэгтэй болох байх.

AI-ийн хариултыг ашиглах чадвар биш.

«AI-г хэн бүтээсэн, ямар зорилготой, ямар хязгаартайг асууж сурах чадвар»

Учир нь ирээдүйд AI бүр өөрийн философитой, өөрийн бизнесийн зорилготой, өөрийн сургалтын арга барилтай байх болно.

Тэр үед хамгийн хүчтэй хэрэглэгч нь хамгийн үнэтэй AI ашигладаг хүн биш.

Аль AI-д хэзээ итгэж, хэзээ эргэлзэхээ мэддэг хүн байх болов уу.

Хэрэв маргааш ChatGPT-г өөр AI орлоод,

дараа нь түүнийг өөр AI орловол...

Бид хүүхдээ технологид сургаж байна уу?

Эсвэл технологи өөрчлөгдсөн ч үнэ цэнээ алдахгүй сэтгэх арга барилд сургаж байна уу?

Миний бодлоор энэ хоёрын ялгаа л ирээдүйн боловсролын хамгийн том ялгаа байх болно.

Өмнө нь бид хүүхдүүддээ:

«Ямар ном уншдаг вэ?» гэж асуудаг байсан.

Маргааш магадгүй бид:

«Ямар AI-тай хамт суралцах вэ? Тэгээд яагаад тэр AI-г сонгосон бэ?» гэж ярьж эхэлдэг болох байх.

Магадгүй ирээдүйд боловсролын хамгийн том ялгаа AI ашиглаж байгаа эсэх дээр биш.

Ямар шалгуураар AI-гаа сонгож байгаад байх.

Өнөөдрийн эх сурвалж

UNESCO-ийн 2026 оны «AI and Education: Towards a Human-Centred Future of Digital Learning» олон улсын уулзалтад багш, боловсролын бодлого боловсруулагчид AI-ийн хэрэглээнээс илүү хүн төвтэй боловсролын зорилгыг хадгалах асуудлыг онцлон хэлэлцжээ. Хэлэлцүүлэгт AI нь багшийг орлох биш, боловсролын зорилгод үйлчлэх хэрэгсэл байх ёстой гэсэн байр суурийг дахин баталгаажуулсан байна.

Financial Times 2026 оны 7-р сарын 24-нд нийтэлсэн «AI labs begin to muscle in on the $6tn education market» нийтлэлдээ OpenAI, Anthropic, Google зэрэг компаниуд боловсролын салбарт багш, их сургууль, засгийн газруудтай хамтын ажиллагаагаа эрчимжүүлж, AI-г боловсролын системийн нэг хэсэг болгох шинэ стратеги хэрэгжүүлж байгааг онцолжээ. Нийтлэлд боловсрол нь зөвхөн нийгмийн үйлчилгээ биш, мөн дэлхийн хэмжээнд 6 их наяд ам.долларын зах зээл болохыг дурдсан байна.