Би өөрөө утсаа хэрхэн хэрэглэдгээ харсан уу?
Өчигдөр орой нэг жижигхэн зүйл анзаарч авлаа.
Хүүхэд маань надтай ярьж байсан.
Би сонсож байсан.
Гэхдээ гар маань утсаа барьсан хэвээр.
Би түүнийг хараад:
«Ээж нь сонсож байгаа шүү.»
Гэдгээ илэрхийлж хэлсэн.
Гэтэл…
хүүхэд миний үгийг биш, миний үйлдлийг харж байгаа юм биш биз?
Магадгүй өөр рүү нь эгцлэн харах тэр тасралтгүй анхаарлыг
Бид хүүхдүүддээ:
«Хоол идэхдээ утсаа бүү оролд.»
«Хичээл хийхдээ TikTok бүү үз.»
«Унтахынхаа өмнө утсаа хол тавь.»
гэж хэлдэг.
Харин хүүхэд:
«Тэгвэл та яагаад?»
гэж асуувал?
Тэр асуултад бидний хэлэх үгнээс илүү…
бидний өдөр тутмын үйлдэл хариулчихсан байдаг юм байна.
Энэ бодлыг батлах нэг сонирхолтой судалгааны тойм байна.
2025 онд Clinical Child and Family Psychology Review сэтгүүлд нийтлэгдсэн системчилсэн тоймд 1982–2023 онд хэвлэгдсэн 87 судалгааг нэгтгэн үзжээ.
Тус тоймд эцэг эхийн өөрсдийн дэлгэцийн хэрэглээ, хүүхдийн дэргэд дэлгэц ашиглах байдал, дэлгэцийг хүүхэд тайвшруулах эсвэл завгүй байлгах хэрэгсэл болгон ашиглах зэрэг parenting factors нь хүүхдийн дэлгэцийн хэрэглээтэй холбоотой байсныг мэдээлсэн. Харин эцэг эхийн өөртөө итгэх итгэл болон тодорхой дүрэм тогтоох нь хүүхдийн дэлгэцийн хэрэглээ бага байлгахтай шууд холбоотой байжээ.
Энэ бол “эцэг эх утас хэрэглэвэл хүүхэд заавал адилхан болно” гэсэн энгийн дүгнэлт биш.
Гэхдээ…
Хүүхдийн дижитал орчин гэрээс эхэлдэг гэдгийг бодох хангалттай шалтгаан байна.
Намайг хамгийн их бодолд оруулсан нь
Бид хүүхдүүдээ технологид дасан зохицож сураасай гэж хүсдэг.
Гэхдээ хүүхэд технологитой хэрхэн харилцахыг заах хамгийн эхний «хичээл» нь магадгүй:
эцэг эхийнхээ өдөр тутмын амьдралын дадал байдаг байх.
Хүүхэд:
Ээж нь ямар үед утсаа авдгийг харна.
Аав нь уйдсан үедээ юу хийдгийг харна.
Гэр бүлийн уур амьсгал хоолны ширээн дээр утсаа тавьсан эсэхийг мэднэ.
Ярианы дундуур мэдэгдэл ирэхэд бид яадаг болохыг анзаарна.
Тэгээд тэр бүхнийг өөрийнхөө хэвийн амьдрал гэж ойлгож эхэлнэ.
Тиймээс би өнөөдөр хүүхдээсээ:
«Утсаа бага хэрэглэ.»
гэж хэлэхээсээ өмнө,
өөрөөсөө:
«Хүүхэд минь намайг хараад технологитой харилцах ямар зан үйлийг сурч байгаа бол?»
гэж асуумаар санагдлаа.
Өнөөдрийн эх сурвалж
2025 онд Clinical Child and Family Psychology Review сэтгүүлд нийтлэгдсэн “The Impact of Modifiable Parenting Factors on the Screen Use of Children Five Years or Younger: A Systematic Review” судалгаанд 1982–2023 оны хооронд хэвлэгдсэн судалгаануудаас 87 судалгааг системчилсэн байдлаар авч үзсэн.
Судалгааны дүгнэлтээр эцэг эхийн modelling буюу үлгэрлэн харуулах зан үйл, дэлгэцийг хүүхэд тайвшруулах/завгүй байлгах хэрэгсэл болгон ашиглах зэрэг хүчин зүйлс хүүхдийн дэлгэцийн хэрэглээ өндөр байхтай холбоотой байжээ. Харин эцэг эхийн өөртөө итгэх итгэл болон дэлгэцийн тодорхой дүрэм хэрэгжүүлэх нь хүүхдийн дэлгэцийн хэрэглээ багасгахтай холбоотой байсан. Судлаачид мөн эцэг эхийн мэдлэг, хамтран үзэх зэрэг зарим хүчин зүйлийн нотолгоо тогтворгүй эсвэл хангалтгүй байсныг тэмдэглэсэн.
Мөн 2025 онд JAMA Pediatrics сэтгүүлд нийтлэгдсэн системчилсэн тойм, мета-анализ нь эцэг эх хүүхдийнхээ дэргэд технологи хэрэглэх буюу parental technology use / technoference-ийн хүүхдийн хөгжил, эрүүл мэндтэй холбоотой судалгааг нэгтгэн авч үзсэн байна. Тус тоймд анхны хайлтаар 6,212 судалгаа илэрсэн бөгөөд урьдчилан тогтоосон шалгуураар сонгон судалсан.
Хүүхэд тань таны утсыг биш,
таны анхаарлыг хүсээд хажууд тань ирсэн байж болох юм.
Тэр үед та утсаа тавиад түүн рүү харвал…
түүнд «дэлгэцээс хол бай» гэж хэлэхээс илүү хүчтэй нэг хичээл зааж байгаа юм биш биз?
«Чамтай ярьж байгаа хүн чамд анхаарал тавих ёстой.»
гэсэн хичээл.
Хэрэв таны хүүхэд таны хэлснийг биш, таны өдөр бүр хийдгийг илүү сайн сурч байгаа бол…
Өнөөдөр таны хүүхэд таныг хараад технологитой харилцах ямар зан үйлийг сурч байгаа вэ?
Өнөөдрийн эргэцүүллийг би энд өндөрлөе.
Хүүхдэдээ технологийн зөв хэрэглээг заахдаа
заавар өгөхөөсөө өмнө үлгэрлэж үзүүлэх.
Тэр нь…
Өөрийн анхаарлыг хаашаа өгч байгаагаа хүүхдэдээ харуулах.
«30 Family of the AI Tour»